Бишкектен Вьетнамга түз аба каттамы ачылды

Бишкек — Нячанг — Бишкек жаңы каттамы жумасына үч жолу аткарыла турганын «Кыргызстан аэропорттору» компаниясы билдирди. 

“Каттам «Компас» туроператору менен биргеликте ишке ашырылып, кыргызстандыктарга Вьетнамдын алдыңкы курорттук борборлорунун бирине түз учууга мүмкүнчүлүк берет”, — деп жазылган маалыматта. 

2025-жылы компания Кыргызстандан дагы 3-5 жаңы туруктуу эл аралык каттамды ачууну максат кылып жатканы кошумчаланды.

@abal-kg