Кыргызстанда үч айда 17 608 адам пенсионерлердин катарына кошулду

Быйыл жыл башынан бери январь-март айларында пенсия алуучулардын катарына 17 608 киши кошулду. Бул туурасында Социалдык фонддун маалымат кызматы билдирди.

Анын ичинен март айында 4 014 жаран пенсияга чыккан.

Мындан сырткары, эмгек стажы, эмгек акысы, окуусу жана майыптыгы боюнча 1 009 пенсионерге кошумча берилген документтерге ылайык пенсиясы кайрадан эсептелинген.