Өлкөдө 4,5 баллдык жер титирөө катталды

Кыргызстанда болжол менен 4,5 баллдык жер титирөө катталды. Бул тууралуу Кыргыз Республикасынын Улуттук илимдер академиясынын Сейсмология институту билдирди.

Маалыматка ылайык, жер титирөө бүгүн саат 5:28де катталган.

Очогу Өзгөн шаарынан 3 чакырым алыстыкта, Куршаб айылынан 5 чакырым, Кара-Суу шаарынан 30 чакырым жана Ош шаарынан 45 чакырым алыстыкта жайгашкан.

Калктуу конуштардагы жер титирөөнүн күчү төмөнкүдөй болду:
Өзгөн шаарында, Мырза-Арык жана Кароол айылдарында – болжол менен 4,5 балл;

Куршаб, Мырза-Аке, Красный Маяк жана башка айылдарда – 4 балл;

Кара-Суу шаарында, Отуз-Адыр, Курбу-Таш, Ничке-Сай, Салам-Алик айылдарында – 3,5 балл;

Ош шаарында, Манас жана Көк-Жаңгакта – 3 балл.