ӨКМ: Кыргызстанда сел жүрүп, дарыяларда суунун көтөрүлүшү күтүлөт

Өзгөчө кырдаалдар министрлиги 8-апрелден 10-апрелге чейин өлкө аймагында бороон-чапкын тууралуу эскертүү жарыяланганын билдирди.

Мекеменин маалыматына ылайык, аба ырайынын туруксуздугунан жана күтүлүп жаткан нөшөрлүү жаан-чачындардан улам республиканын тоо этектеринде жана тоолуу аймактарында сел жүрүшү мүмкүн.

Ошондой эле дарыяларда суунун деңгээлинин көтөрүлүшү күтүлүүдө.
Жарандарга коопсуздук чараларын сактоо, дарыя жээктерине жана кооптуу аймактарга барбоо сунушталат.