Коом
Депутат: Самокат айдагандар жөнүндө күн сайын айтабыз, бирок жыйынтык жок
Жогорку Кеңештин жыйынында депутат Советбек Рустамбек уулу көчөлөрдө ызгытып самокат айдагандардын маселеси күн сайын айтылганы менен жыйынтык болбой жатканына нааразы болду.
«Бул билдирүүлөргө тийиштүү органдар тарабынан эмнегедир реакция болбой жатат. Кечээ Чыгыш-5 кичирайонунда самокат айдаган адам кичинекей баланы сүзүп, анан окуя болгон жерден качып кеткен. Катаал чараларды көрүүгө убакыт келди. Көп адамдар жабыркады», — деди ал.
