Казакстандан алып келинген 1,7 тонна коон Кыргызстанга киргизилген жок

Чүй–Бишкек аймактык химиялаштыруу, өсүмдүктөрдү коргоо жана карантин департаментинин кызматкерлери «Чалдыбар» көзөмөл-өткөрүү бекетине жакын жайгашкан биргелешкен көзөмөл постунда Казакстандан ташылып келген коондун партиясын Кыргызстанга киргизбей коюшту.

Департаменттин маалыматына ылайык, өлкөгө 1 миң 700 килограмм коон алып келүү учурунда карантиндик фитосанитардык талаптардын бузулганы аныкталган.

Тактап айтканда, фитосанитардык коркунучу жогору болгон бул продукцияга тиешелүү фитосанитардык сертификат жок болгондуктан, жүк кайра жөнөтүүчү тарапка кайтарылды.