Өлкөдө ЖОЖго кабыл алуу өнөктүгүнүн биринчи этабы башталды

Бүгүн, 13-июлда Кыргызстанда жогорку жана орто окуу жайларына жайкы кабыл алуу өнөктүгү башталды.

«Абитуриент online» автоматташтырылган маалыматтык системасынын билдирүүсү боюнча, биринчи турдун алкагында абитуриенттерди каттоо 13-июлдан 15-июлга чейин созулат. Жалпысынан кабыл алуу өнөктүгү беш тур менен өтөт.

Жалпы республикалык тестирлөөнүн жыйынтыгы боюнча кабыл алуу жогорку окуу жайларына гана эмес, 11-класстын базасында тапшырып жаткан абитуриенттер үчүн коллеждерге да жүргүзүлөт.

Кесиптик лицейлерге кабыл алуу 13-июлдан 15-сентябрга чейин өтөт.