Сапар Исаков эмнеден ууланды?
Бүгүн Бишкек шаардык сотунда ЖЭБди модернизациялоо боюнча коррупцияга шектелгендердин соттук отуруму болмок.
Бул сотко катыша турган экс-премьер-министр Сапар Исаковдун абалы кескин начарлап, сот отуруму 2-мартка жылдырылды.
Сапар Исаковдун жактоочусу Замир Жоошев анын УКМКнын убактылуу кармоочу жайынан ууланганын кабарлады.
-Ал эмнеден ууланганын өзү да билбейт, — дейт жактоочусу. – Азыр Сапар Исаков дарыгерлердин көзөмөлүндө. Дарыгерлер бүгүн сот процессине баруусуна тыюу салгандыктан, бул процессти жылдырууга туура келди,- деди Замир Жоошев.
Эске салсак, Бишкек шаарындагы Свердлов райондук соту Сапар Исаковду 15 жылга эркинен ажыратып, үй-мүлкүн конфискациялап, үч жыл мамлекеттик кызматтарга иштегенге тыюу салынган өкүм чыгарган эле.
Abal.kg
