Кыргызстанда 285 баш чоң ак илбирс бар

Бул тууралуу Ак илбирстин эл аралык күнүнө арналган иш-чарада айтылды. Жаныбарларды изилдөө 2020-жылдан 2024-жылга чейин заманбап ыкмалар, фотокапкан менен жүргүзүлгөн. 

Окумуштуулар 125 миң чарчы чакырымдан ашуун аянтты изилдеп чыгышкан. Жер-жерлерге орнотулган 875 фотокапканга илбирстер 335 жолу түшкөн. 

Изилдөөнүн жыйынтыгында Кыргызстанда ак илбирстин саны 234төн 349га чейин (бул түр көбөйүүдө) экендиги, орточо эсеп менен өлкөдө 285 чоң илбирс жашай тургандыгы аныкталган.