“Дөө Чыңгыз” каймана аты бар Чыңгыз Жумагулов 5 жылга соттолду

Бишкек шаарынын Биринчи Май райондук сотунда Чыңгыз Жумагуловго карата козголгон кылмыш иши аяктады.

Сот Адылбек Эсенбаев Жумагуловду Кыргыз Республикасынын Кылмыш-жаза кодексинин 266-беренесинин 1-бөлүгүнө (“Бейбаштык”) айыптап, 5 жылга эркинен ажыратты.

Башка айыпталуучулар Марсбек Тентиев жана Ильяс Айдакеев күнөөлүү деп табылып, 190 миң сом айып пул менен 13 жылга эркинен ажыратылды.

Буга чейин прокурор Жеңиш Нуралиев “Дөө Чынгыз” каймана аттуу адамды жана анын эки шеригин 15 жылга эркинен ажыратууну суранган.

Эске салсак, кылмыштуу топтун жетекчиси “Дөө Чынгыз” деген лакап аты бар Чынгыз Жумагулов жана уюшкан кылмыштуу топтун эки мүчөсү башка уюшкан кылмыштуу топтун эки мүчөсүн өлтүргөн деп айыпталууда.

Эске салсак, 9-апрелге караган түнү көчөдөгү “Камек” жеке клиникасында белгисиз адамдар эки адамды оор абалда таштап кетишкен.

Алардын бири эсине келбей, реанимацияда көз жумган. Ал 1974-жылы туулган, Талас облусунун Бакай-Ата районунун тургуну, Бишкек шаарында жашаган Илияс А. болуп чыккан.

Эртеси экинчи адам да көз жумган. Маалым болгондой, ал 1983-жылы туулган, Талас облусунун Бакай-Ата районунда туулган А.У., Чүй облусунун Аламүдүн районунда жашап келген.