Кыргызстан өсүмдүк майларынын дээрлик баарын ЕАЭБ өлкөлөрүнөн алат

Кыргызстан өсүмдүк майларынын дээрлик баарын ЕАЭБ өлкөлөрүнөн алат. Бул туурасында Статкомдун маалыматында айтылган.

Былтыр айыл чарба министри Кыргызстан өсүмдүк майларынын 70 пайызын импорттоорун билдирген. Өлкө ичинде майдын аталган түрүн алуучу өсүмдүктөрдү эгүүнү каалаган фермерлердин аз экени айтылган.

Статком өткөн жылдын январь-октябрь айларында Кыргызстандын аталган продукциядан 30,6 миң тонна импорттогонун билдирди.

Импорттогон өлкөлөр:

Россия — 25 390,7 тонна;

Казакстан — 5 150,4 тонна.

Армения — 54,5 тонна;

Азербайжан — 24,6 тонна.