Ноокатта селден жабыркагандарга казак эли гумжардам жиберди

Гуманитардык жардамды Казахстандын Өзгөчө кырдаалдар министрлигинин Жамбыл облусу боюнча башкармалыгынын директору А.Токанов коштоп келди.

Ош аэропортунан аны Кыргызстандын өзгөчө кырдаалдар министринин орун басары Акылбек Мазарипов, президенттин Ош облусундагы өкүлүнүн орун басары Илияз Ташбаев, Казакстандын Ош шаарындагы консулу М.Карыбай жана башкалар тосуп алышты.

Селден жабыркагандар үчүн келген гуманитардык жардамдын курамында турмуш-тиричиликке керектелүүчү буюмдар жана азык-түлүктөр бар.