Нарында чайхана өрттөнүп, 20 жаштагы кыз күйүк алды

Нарын шаарындагы “Изумруд” чайханасынын 25 чарчы метр аянты күйгөн. Бул тууралуу Өзгөчө кырдаалдар министрлигинин маалымат кызматы билдирди.

Билдирүүдө айтылгандай, өрттүн кесепетинен 20 жаштагы К. кызы С. аттуу кыз 1-даражадагы күйүк алган.

Эскерте кетсек, бир сутканын ичинде республиканын аймагында 20 өрт кырсыгы катталып, аларды өчүрүүгө 25 өрт өчүрүү бөлүмдөрү тартылган.