Бишкекте катуу шамалдын кесепетинен эки адам жабыркады

Киев көчөсүндө темир чатыр 14 жаштагы өспүрүмдүн үстүнө кулаган. Натыйжада бала “жамбаш сөөгүнүн сынышы, баш мээнин жабык травмасы, маңдай бөлүгүнүн жаракаты” диагнозу менен ооруканага жаткырылган.

41 жаштагы аял отурган унаанын үстүнө бак кулаган. Окуя Щербаков жана Элебесов көчөлөрүнүн кесилишинде болгон. Жабырлануучу “баш мээнин жабык жаракаты, баш мээси чайкалган” деген диагноз менен ооруканага жаткырылды.