Олимпиада байгечилерине 2027-жылдан тарта өмүр бою ай сайын мамлекеттик төлөм чектелет

Кыргызстандын олимпиадалык жана дүйнөлүк деңгээлде ийгилик жараткан спортчулары 2027-жылдын 1-январынан тарта өмүр бою берилүүчү айлык төлөмдөр менен камсыздалат. Тиешелүү токтомго Министрлер кабинетинин төрагасы Адылбек Касымалиев кол койду.

​Жаңы регламентке ылайык, чегерилүүчү каражаттын өлчөмү спортчунун багындырган титулуна жана медалынын калыптуулугуна жараша төмөнкүдөй бекитилди:
​30 миң сом — Олимпиада, Паралимпиада жана Сурдлимпиада оюндарынын алтын медаль ээлерине;
​25 миң сом — ошол эле мелдештердин күмүш байгечилерине;
​20 миң сом — коло медаль ээлерине, ошондой эле олимпиадалык спорт түрлөрү боюнча чоңдор арасында дүйнө чемпиону болгон спортчуларга.
​Мамлекеттик колдоо убактылуу спорттук стипендиянын белгиленген мөөнөтү аяктагандан кийин күчүнө кирет. Документте спортчу бир нече жеңишке ээ болгон учурда төлөмдөр кошулуп эсептелбей турганы өзүнчө белгиленген — стипендия эң жогорку сумма каралган бир гана титул боюнча чегерилет.
​Эске салсак, Эгемендүүлүк жылдарында Кыргызстандын курама командасы Олимпиада оюндарында жалпы 13 медаль багындырган. Алардын 5өө күмүш, ал эми 8и коло байге. Муну менен катар, учурда Олимпиадада 4-жана 5-орунду ээлеген спортчуларга да спорттук стипендия чектөө сунушу талкууланууда.