Жол кырсыгында жүргүнчү болгон эгиздер камалды: Президент ИИМге ишти териштирүүнү тапшырды

Президент Садыр Жапаров Москва районунун тургуну Жаныбек Молдалиевдин жол кырсыгы боюнча арызын угуп, Ички иштер министрлигине ишти кайра текшерүүнү тапшырды.

Тургундун айтымында, 2025-жылдын ноябрь айындагы кырсыктан кийин унааны башкарган жээни менен бирге жүргүнчү болуп бараткан анын эгиз уулдары тең камакка алынган.
​Мамлекет башчысы жүргүнчүлөрдүн камалышын туура эмес деп атап, эгиздерди бошотууну жана тергөөнү калыс жүргүзүүнү талап кылды. Президент бул ишти жеке көзөмөлүнө аларын белгилеп, ИИМге тургунду кабыл алып, маселесин чечүүнү тапшырды.