1-апрелден тарта Кыргызстанда поезддерге электрондук билет сатыла баштайт

Үстүбүздөгү жылдын 1-апрелинен тарта GoBus тиркемеси аркылуу Кыргызстан ичиндеги жүргүнчү поезддерге электрондук билеттер сатыла баштайт. Бул тууралуу «Кыргыз темир жолу» ишканасы билдирди.

Билеттер Бишкек-2 — Кайыңды жана Бишкек-1 — Токмок поезддерине сатылат.

Тиркемеден тышкары, билеттерди Бишкек-2 бекетинин кассасынан алса болот. Акчасын накталай төлөм менен же бардык электрондук капчыктар аркылуу төлөө мүмкүн.