Депутат Жусупбек Коргонбай уулу Алымкадыр Бейшеналиевди уюшкан кылмыштуу топко тиешеси бар деп айыптады
“Черный хирург” деген каймана аты бар экен. Кримтөбөл Рысбек Акматбаевди жана башка кылмыштуу топтун мүчөлөрүн жашыруун операция кылып жүргөн. Бул министр болуп келгенден бери эле ооруканаларда эне-балдар өлүп жатат. Кадрдык башаламандык болууда. Президентке аконит жасап берсе эле кыйынмын деп ойлобосун. Парламентке чакыралы, өлүмдөр көбөйүп жатканына жооп берсин”, — деди эл өкүлү.
Бирок Бейшеналиев айтылгандарды четке кагып, муну Коргонбай улуу сунуштаган адамдарды оорукананын директорлугуна албай койгонуна байланыштырды. Ал эми Акматбаевге эч качан операция жасабаганын белгиледи.
“Ахунбаев клиникасында иштеп жатканда №47 колонияга барып соттолгон депутат, министрлерге операция жасагам, арасында кылмыштуу топтун мүчөлөрү да болушу мүмкүн. Анда ошондогу дарыгерлердин баары кылмыштуу топко тиешеси бар болуп калабы?” — деди Бейшеналиев.
