Жанар Акаев Алай районунда мөңгү талкаланып жатканын айтты

Жогорку Кеңештин жыйынында депутат Жанар Акаев Алай районунун тургундарынын үнүн тийиштүү тарапка жеткирди. Айтымында, Чоң Каракол айылындагы мөңгүнү инвесторлор талкалап жатышат.

«Мен бул маселе менен прокуратурага бир жылда үч жолу кайрылдым. Азыр дүйнө жүзү мөңгүлөрдү сактоого аракеттенип жатат, а Алай районунда кен иштетүүчүлөр мөңгүлөрдү талкалап жатышат. Эмнеге МинКаб мындай мүмкүнчүлүктү берип коюп унчукпай отурат? Башкы прокуратура компанияга эскертүү берди, бирок аны аткарышкан жок», — деди Акаев.