Жалал-Абаддагы аттракциондон кулаган 18 жаштагы кыз жандандыруу бөлүмүндө жатат
Буга чейин Жалал-Абад ОИИБ маалымат таратып, «Жеңиш» эс алуу багындагы аттракционго Сузак районунун 1997 жана 2004-жылы туулган тургундары ойногону чыккан учурда отургуч сынып кетип, жыгылып түшүшкөнүн, алар ооруканага жеткирилгенин билдиришкен эле.
Жалал-Абад облустук ооруканасынын башкы дарыгеринин орун басары 18 жаштагы кыз жандандыруу бөлүмүндө жатканын билдирди. Ал эми 25 жаштагы жигиттин колу-буту сынган. Анын абалы жакшы.
Эскерте кетсек, окуя 16-апрель күнү саат 23:55 чамасында болгон. Жалал-Абад шаарынын «Жеңиш» эс алуу багындагы аттракционго Сузак районунун 1997 жана 2004-жылы туулган тургундар ойногону чыгышкан учурда отургуч сынып кетип, жыгылып түшүшкөн. Кырсыктын кесепетинен алар денелеринен жараат алышып, Жалал-Абад облустук ооруканасына жаткырылган. Бул окуя Жалал-Абад ШИИБге “кокустук” болуп катталып, териштирүү иштери жүрүп жатканы кабарланган.
