Коргоо министрлиги: Тик учак кырсыгынан каза болгон аскердин жакындарына ар тараптуу жардам көрсөтүлөт

Бишкектеги тик учак кырсыгынан каза болгон аскер кызматкеринин туугандарына жана жакындарына ар тараптуу жардам көрсөтүлөт. Бул тууралуу Коргоо министрлигинин басма сөз кызматы билдирет.

КР Коргоо министрлигинин жетекчилиги курман болгон офицердин үй-бүлөсүнө жана жакындарына кайгысын тең бөлүшүп, терең кайгыруу менен көңүл айтат.

Министрликтин басма сөз кызматынан кошумчалашкандай, учурда ооруканада жаткан калган жабыркаган аскерлер керектүү дары-дармектер менен камсыздалууда.