ЖКнын депутаты Элдар Абакиров Бишкекте көмүр жагууга тыюу салууну сунуштады

Элдар Абакиров парламентте калаадагы ыш маселесин көтөрүп, бул абаны тазалоонун жалгыз жолу экенин белгиледи. 

“Шаардын четинде от жагылган жердин баарында дем алыш кыйын болуп калды. Ал ден соолугубузга терс таасир берип жатат. Өткөндө «Кыргызгаздын» өкүлү 2026-жылга чейин Бишкекти толугу менен газга өткөрөбүз деген. Демек 2 жылда толугу менен өткөзүп, андан кийин көмүр, башка нерсени жакканга тыюу салууну сунуштайм. Ошол жол менен гана абаны тазалай алабыз”, — деди эл өкүлү.