Өзбекстанда сакал койгон эркектерге штраф салына баштады

Өзбекстанда бир нече эркек сакал койгону үчүн айыпка жыгылды. Бул тууралуу Өзбек ЖМКлары жазды. 

Өткөн жылдын 31-октябрында “Административдик жоопкерчилик жөнүндө кодекске өзгөртүүлөрдү киргизүү тууралуу” мыйзам кабыл алынган. Анда адам бетин ачык коюшу керек болгон. 

Көбүнчө айып салган учурлар Жизак, Самарканд, Анжиян жана Фергана облустарында катталып жатат. Эгерде сакал алуудан баш тартышса, алар бейбаштык кылган жана милиция кызматкерлеринин “мыйзамдуу талаптарына” каршы чыккан деп айыпталууда.