Министрлер кабинетинин төрагасы Акылбек Жапаров 3-4-июнь күндөрү иш сапары менен Беларусь Республикасына аттанат.
Ал Евразия өкмөттөр аралык кеңешинин кезектеги жыйынына, «Евразия экономикалык биримдигинин азык-түлүк коопсуздугу» деп аталган пленардык сессиясына катышат.
Мындан тышкары, «Белагро-2024″эл аралык адистештирилген көргөзмөсүнө бармакчы.
Өкмөттөн Евразия өкмөттөр аралык кеңешинин кезектеги отурумунда 10дон ашык маселе караларын белгилешти.
