Сак болуңуз! Бишкек менен Чүйдө бир сааттын ичинде катуу шамал болот

Бишкек жана Чүй өрөөнүндө бүгүн жакынкы бир сааттын аралыгында жана кечинде күн күркүрөп, катуу шамал болушу ыктымал. Бул тууралуу Өзгөчө кырдаалдар министрлиги эскертти.

Маалыматка ылайык, шамалдын ылдамдыгы секундасына 15-20 метрге чейин жетиши мүмкүн. Буга байланыштуу министрлик шаардыктарды этият болууга чакырууда.