Бишкекте таанышынан 4,5 миң доллар алып, из жашырып кеткен адам кармалды

Бишкекте тургундан 4,5 миң доллар алып, из жашырып кеткен адам кармалды. Бул тууралуу  Бишкектин Ленин райондук ички иштер бөлүмүнөн билдиришти.

Маалыматка ылайык, милицияга шаар тургуну кайрылып, бир жумага 4,5 миң доллар карыз алып, ошол боюнча из суутуп кеткен адамга чара көрүп берүүну өтүнгөн.

Бул окуя боюнча “алдамчылык” беренеси менен иш козголуп, 33 жаштагы А.К. аттуу адамды милиция кызматкерлери таап, камакка алышкан.

Учурда кармалган адамдын ушул сыяктуу башка да фактыларга тиешеси бар же жогу териштирилүүдө.