УКМК: «Араван райондук автобекети» мамлекеттин балансына кайтарылды

Бул тууралуу УКМКнын маалымат борборунан билдиришти.     

Маалыматта айтылгандай, КР УКМК  Араван айылынын  Ош-3000 көчөсүндө  жайгашкан жалпы аянты 0,33 га болгон борбордук «Араван автовокзалын» мамлекеттин балансына кайтарды.

Тактап  айтканда, 2000-жылдары автобекеттин аймагы 29 жеке ишкерге мыйзамсыз берилгени аныкталган, алар КР «Автомобиль транспорту жөнүндө» мыйзамын бузуу менен жер-жерлерде соода жайларын уюштуруп, стратегиялык объектини толук реконструкциялашкан.

Текшерүү иш-чараларынын жүрүшүндө менчик ээлери өз ыктыяры менен объектини КР Министрлер Кабинетине караштуу Мамлекеттик мүлктү башкаруу боюнча мамлекеттик агенттиктин балансына өткөрүп беришти.