Саясат
Талант Мамытов, Балбак Түлөбаев, Алмамбет Шыкмаматов, Айсулуу Мамашова бир партия менен шайлоого аттанат
Жогорку Кеңештин төрагасы Талант Мамытов жана бир канча депутаттар «Ынтымак» партиясы менен шайлоого аттанат. Бул тууралуу өздүк булактар билдиришти деп жазды SUPER.KG порталы.
Маалыматка ылайык, аталган партия менен Балбак Түлөбаев, Алмамбет Шыкмаматов, Айсулуу Мамашова, Махабат Мавлянова, Эмил Токтошев, Өмүрбек Бакиров, Бактыбек Турусбеков, Арзыбек Карыбеков, Аккулу Бердиев, Сагындык Келдибаев, Абдыбек Дюшалиев барат.
Аталган партиянын съезди кийинки аптада өтөт. Парламенттик шайлоо 28-ноябрга белгиленген.
