Афганистандан 200гө жакын студент Кыргыз өлкөсүнө алып келинди

Афганистандан 200гө жакын студент Борбор Азиядагы Америка университети жана Кыргыз өлкөсүнүн өкмөтү жетектеген амбициялуу пландын негизинде Кабулдан коопсуз түрдө эвакуацияланды. Бул тууралуу PassBlue агенттиги жазды.

Маалыматка ылайык, студенттердин 60 пайызы аялдар.

«Азыр бизде БААУда дээрлик 300 Афгаинстандын студенти бар. Бул студенттердин 180ге жакыны акыркы 30 күндүн ичинде Афганитандан эвакуацияланды. Алгач жеңил унаалар жана чакан автобустар менен Исламабадга, андан ары Бишкекке учак менен эвакуацияланган», — деп университеттин камкорчулар кеңешинин төрагасы Дэвид Лахдхир 10-октябрда PassBlue’нун электрондук почтасына жазган.