УКМК төрагасынын кубогу үчүн командалык спорттун түрлөрү боюнча жыл сайын өтүүчү республикалык спартакиада башталды

Бул тууралуу УКМКнын маалымат борборунан билдирди.

Бүгүн. 3-сентябрда Ысык-Көл облусунда УКМКнын бардык облустук башкармалыктарынын жана бөлүмдөрүнүн кызматкерлеринин катышуусунда УКМК  төрагасынын кубогуна командалык спорттун түрлөрү боюнча жыл сайын өтүүчү республикалык спартакиада башталды.

 Быйылкы жылы коопсуздук органдарынын спорттук командалары спорттун  төмөнкү түрлөрү  боюнча күч сынашат: эркектер үчүн жалпы командалык — футбол, баскетбол, волейбол, шахмат, ал эми кыз келиндер үчүн — 1000 метрге чуркоо, жеңил атлетика – эстафеталык чуркоо жана аркан тартыш каралган.