Күн жылыйбы? Дем алышка карата аба ырайы
Кыргызгидромет аптанын дем алыш күндөрүнө карата аба ырайынын божомолу тууралуу маалымат берди.
Апта аягында көпчүлүк жерлерде жаан-чачын күтүлбөйт. Абанын температурасы кээ бир жерлерде 9 градуска чейин жылыйт. Бишкекте дагы күн ачык болот.
Чүй, Талас облустары
Бул эки облуста тең дем алыш күндөрү жаан-чачын күтүлбөйт. Тоо этектеринде жана тоолуу райондордо жолдор тоңголок, тайгак болот. Түштүк чыгыштан соккон шамалдын ылдамдыгы секундасына 3-8 метрге жетиши ыктымал. Чүйдө абанын температурасы 3…8 градус болсо, Таласта 5…7 градуска жылыйт.
Ош, Жалал-Абад, Баткен облустары
Ош облусунда дем алыш күндөрү жаан-чачын жаабайт. Ал эми тоо этектеринде жана тоолуу райондордо жолдор тоңголок, тайгак болот. Жалал-Абад менен Баткенде кар жаабайт. Абанын температурасы бул аймактарда да 9 градуска чейин жылыйт.
Нарын, Ысык-Көл облустары
Ысык-Көл менен Нарында дем алыш күндөрү жаан-чачын күтүлбөйт. Жолдор тайгак жана тоңголок болот. Ысык-Көлдө абанын температурасы ишемби күнү -4…+1, жекшембиде 1…6 градус болот.
Ал эми Нарында -2…-7 градуска чейин суук болору божомолдонду.
