«Дордой» базарынын соодагерлери митингге чыгышты

“Дордой” соода борборунун соодагерлери салыктан улам митингге чыгышты. Контейнерлерди жаап, салыктын көтөрүлүшүнө байланыштуу жагдай түшүндүрүлмөйүнчө жумушка чыкпай тургандыктарын билдиришти.

Алардын айтымында, учурда соода борборунун администрациясынын имаратынын жанына 500гө жакын адам чогулду. Алардын баары базарда соода кылгандар. «Биз салык кызматкерлери салыкты көтөрүп жатканына нааразыбыз, иштөөнүн мааниси жок болуп калды», — дешти митингчилер.

Алардын айтымында, базарга салык кызматынын төрагасынын орун басарынын баруусу күтүлүүдө.