Интернет жылдызына айланган 11 жаштагы Бекболот Турдушев изделип жатат

Баланын атасы Каракол милициясына кайрылып, 5-класста окуган уулу достору менен көчөгө чыгууга суранып кеткен бойдон дайынсыз экенин айткан.  

Бекболот Ысык-Көлдүн Балбай айылынын тургуну. Ал 2021-жылы айылдагы мектебинин эскилиги жеткенин айтып, эки кабат мектеп салып бериңиз деп президентке кайрылгандан кийин интернет жылдызына айланган. Андан соң президент балбайлык окуучу менен жолуккан.