Саламаттык сактоо министрлиги Россиядан 107 машина алды

Медициналык мекемелер үчүн атайын техникалар “COVID-19 кесепеттерине ыкчам чара көрүү” долбоорунун алкагында $3 млн. гранттык каражатка сатып алынган. Бул туурасында Акылбек Жапаров билдирип, бүгүнкү жуманы өлкө үчүн кубанычтуу күн деп атады. 

Төмөнкү техникалар тапшырылды: 

 ▪️47 тез жардам унаасы

▪️54 санитардык транспорт  

▪️өлүк ташыган 4 атайын машина 

▪️2 дезинфекциялык автоунаа

Россиянын элчиси  Николай Удовиченко РФ Кыргызстандын социалдык-экономикалык өнүгүүсү үчүн тынымсыз колдоо көрсөтөрүн белгиледи. Анын айтымында, мындай адистештирилген түрдүү техникалардын берилиши — боордош элдердин достук мамилесинин анык далили.