Казакстандын ТИМ башчысы «Ата-Бейитте» Айтматовдун эстелигине гүл койду

Казакстандын премьер-министринин орун басары – тышкы иштер министри Мурат Нуртлеу баштаган делегация «Ата-Бейит» мемориалдык комплексине барды. Бул тууралуу Кыргызстандын Казакстандагы элчилигинен билдиришти.

Маалыматка ылайык, Казакстандын тышкы иштер министри сталиндик репрессиянын курмандыктарына жана дүйнө жүзүнө атагы чыккан жазуучу Ч.Т.Айтматовдун эстелигине гүл койду.

Комплекске баруу алкагында катышуучулар намаз окуп каза болгондорду эскеришти.