Кадамжайда тоонун бооруна «Кыргыз милициясына 100 жыл» жазуусу таштар менен жазылды

Кыргыз милициянын 100 жылдык мааракесине карата ИИМдин Күзөт кызматынын Түштүк башкармалыгы тарабынан Кадамжай районуна тоолорго жазуу иштери жүргүзүлүп, тоо шартында курама отряддын кызматкерлерине окуу машыгуулар өткөрүлдү.

Салтанаттуу иш-чараны ИИМдин Күзөт кызматынын Түштүк башкармалыгынын башчысы милициянын полковниги Алмаз Акылбеков ачып, өлкөнүн өнүгүшүнө милициянын кошкон салымын жана мыйзамдуулукту жана тартипти камсыздоодогу анын ролунун маанилүүлүгүн белгиледи.
Белгилей кетсек, кыргыз милициясы быйыл 1-ноябрында өзүнүн түзүлгөндүгүнүн 100 жылдык юбилейин белгилейт. Милиция кызматы дайыма мыйзамдуулукту камсыздоодо өз өмүрүн тобокелге салып, ар дайым тартипти сактап келет.