Оштон Ысык-Көлгө аба каттамдары жанданды

Ош шаарынан Ысык-Көлгө аба каттамдары жанданды. Бул тууралуу «Манас» эл аралык аэропортунан билдиришти.

Маалыматка ылайык, бүгүн, 21-июнда «Ысык-Көл» эл аралык аэропортуна Ош шаарынан биринчи учак келип конду. Аны менен Кыргызстандын экинчи борборунан 96 жүргүнчү учуп келди.

«Алдыда июль айынан баштап Ош жана Жалал-Абад шаарларынан күн сайын каттамдар аткарыла тургандыгы пландалууда», — деп айтылат маалыматта.