Грузиянын президенти өз элин нааразычылык митингге чыгууга чакырды

Грузиянын президенти Саломе Зурабишвили өз элин нааразычылык митингине чыгууга чакырды. Анткени, ал Грузияда болуп өткөн шайлоого Россия кийлигишип, шайлоо жыйынтыгын бурмалады деп эсептейт.

«Биз шайлоодо буга чейин ар кайсы өлкөлөрдө колдонулган бардык ыкмаларды көрдүк. Бул шайлоону кабыл алуу мүмкүн эмес. Аны кабыл алсак, ал Россия бул жакка келип, Грузияны баш ийдирип алды дегенге тете», — деген президент.

Ошондуктан президент шайлоо жыйынтыгына нааразы болгондордун баарын 28-октябрдын кечинде Тбилиси шаарындагы Руставели көчөсүнө чогулууга чакырды.