Бообек Ажикеев Аламүдүн коктусунда жоголгон жаранды издөө иштерин көзөмөлдөдү

Министр куткаруучуларды издөөдө конкреттүү пландын негизинде иш алып барып, керектүү издөө каражаттарды жана техникаларды тартуу зарылдыгын эскертти. Ал ошондой эле 17-январь күнү улана турчу издөө ишине куткаруучулардын санын көбөйтүү тапшырмасын койду.

Мындан сырткары, куткаруучуларды тамак-аш менен камсыздап, ден-соолугунун абалын да көзөмөлгө алуу керектигин айтты.

«Бүгүн караңгы киргенине байланыштуу издөө иши убактылуу токтоду. Куткаруучулар жеринде түнөккө калып, эртең таң эрте издөө иши уланат», — деп айтылат маалыматта.

Белгилей кетсек, 14-январда Аламүдүн капчыгайында (Тёплые ключи) 1996-жылы туулган М.М.уулу дайынсыз жоголгон. Аны издөөгө бүгүн ӨКМдин 64 куткаруучусу, кинолог, техникалар жана 5 дрон менен тартылган.