Нарындын жаштары Эрназар Акматалиевге аргымак мингизишти

Кечээ, 8-апрелде балбан Эрназар Акматалиевге Нарын районунун Орто-Нура айылынын жаштары аргымак тартуулашты.

Иш-чарага Нарын райондук мамлекеттик администрациясынын башчысы, Чет-Нура айыл өкмөтүнүн башчысы, балбандын ата-энеси, бир туугандары, классташтары, мектеп окуучулар жана айыл тургундары катышты.

Балбанга Нарын районунун “Ардактуу атуулу” наамы, ал эми машыктыруучусу Сыдыкбеков Канатбекке “Ардак грамота” ыйгарылды.

Ошондой эле Чет-Нура айыл өкмөтү жана жергиликтүү Кеңеши тарабынан акчалай жана баалуу сыйлыктар тапшырылды.