23-24-сентябрда туруксуз аба ырайы күтүлөт
Кыргызстандын аймактарында 23-сентябрдын күндүзү жана 24-сентябрдын түнүндө туруксуз аба ырайы күтүлүүдө. Бул тууралуу Кыргызгидромет кызматы расмий билдирүү жасады.
Синоптиктердин маалыматына ылайык, Чүй, Ысык-Көл, Нарын облустарынын айрым жерлеринде, ошондой эле Жалал-Абад облусунун тоо этектеринде жана тоолуу райондорунда жаан-чачын катуу жаашы мүмкүн. Абанын температурасы төмөндөйт деп күтүлүүдө.
Мындан сырткары, батыштан соккон шамалдын ылдамдыгы секундасына 4-9 метрден, айрым жерлерде 15-20 метрге чейин жетиши ыктымал.
Абанын температурасы:
Чүй облусу түнкүсүн +8…+13 күндүз +18…+23
Талас облусу түнкүсүн +6…+11 күндүз +18…+23
Баткен облусу түнкүсүн +12…+17 күндүз +23…+28
Ош, Жалал-Абад облустары түнкүсүн +12…+17 күндүз +23…+28
Ысык-Көл облусу түнкүсүн +3…+8 күндүз +14…+19
Нарын облусу түнкүсүн +3…+8 күндүз +16…+21
Бишкек шаарында түнкүсүн жана күндүз жамгыр жаап, күн күркүрөшү мүмкүн. Абанын температурасы түнкүсүн +10…+12, күндүз +18…+20 градус болот. Чолпон-Ата шаарында мезгили менен жамгыр жаап, күн күркүрөйт. Абанын температурасы түнкүсүн +6…+8, күндүз +14…+16 градус болот.
Кыргызгидромет мындай туруксуз аба ырайы автоунаа жолдорунун, энергетика жана коммуналдык кызматтардын ишине терс таасирин тийгизиши, ошондой эле жайыттарда мал кармоону кыйындатышы мүмкүн экенин эскертет.
