Путин: Биз эки тараптуу кызматташтыктын негизги маселелерин жеке көзөмөлүбүздө кармап турабыз

Бүгүн, 26-ноябрда президенттик администрациянын имараты «Ынтымак Ордодо» Россия Федерациясынын президенти Владимир Путин менен Садыр Жапаровдун расмий жолугушуусу өтүүдө.

Владимир Путиндин айтымында, жыл аягында Россияда дагы көрүшөрүн белгилеп кетти.

«Россия Кыргызстандан ЖККУга төрагалык кылуу эстафетасын кабыл алат жана 2026- жылы уюмга төрагалык кылат. Орус-кыргыз стратегиялык өнөктөштүк жана союздаштык мамилелери өз ара урматтоонун жана бири-биринин кызыкчылыктарын эске алуунун негизинде достук жана кызматташтык жөнүндөгү базалык келишимдин рухунда ийгиликтүү өнүгүүдө. Биз сиз менен дагы дайыма байланышта болуп, эки тараптуу кызматташтыктын негизги маселелерин жеке көзөмөлүбүздө кармап турабыз. Жылдын аягында бизде Жогорку Евразиялык кеңештин жыйынында жана КМШ өлкөлөрүнүн лидерлеринин салттуу жаңы жылдык жолугушуусунда Россияда көрүшүүгө мүмкүнчүлүк болот.

Биздин сүйлөшүүлөрдүн күн тартиби абдан кеңири. Союздаш мамилелерди жана стратегиялык өнөктөштүктү тереңдетүү жөнүндөгү программалык биргелешкен билдирүү кол коюуга даярдалды, анда орус-кыргыз кызматташтыгынын түрдүү багыттарын мындан аркы бекемдөөнүн негизги милдеттери белгиленген. Мындан тышкары, соода-экономикалык, билим берүү, миграциялык жана башка тармактардагы маанилүү өкмөттөр аралык жана ведомстволор аралык документтердин пакетине кол коюлат. Россия, Кыргызстандын алдыңкы соодаэкономикалык өнөктөшү, өткөн жылы товар жүгүртүү 13,6%га көбөйүп — рекорддук 4,1 миллиард долларга жетти, ал эми январь-сентябрь айларында дагы 17% кошулду.  Бардык төлөмдөрдүн 97%га жакыны улуттук валюталар менен жүргүзүлүүдө.  Чынында эле россиялык инвестициялардын саны дагы өсүүдө, дээрлик 2 миллиард долларга жетти. Республикада Россиянын катышуусу менен 1,7 миң ишкана иштейт. Россиялык инвесторлордун Кыргызстан менен кызматташууга болгон ишенимин белгилегим келет», — деди ал.