ЖКККББ кызматкерлери майрам күндөрү күчөтүлгөн тартипте кызмат өтөйт

Келе жаткан май айындагы майрам күндөрү ИИМдин Жол кыймылынын коопсуздугун камсыздоо башкы башкармалыгынын кызматкерлери күчөтүлгөн тартипте кызмат өтөйт.

Ведомстводон билдиришкендей, 1-майдан 10-майга чейин жол инспекторлору жарандардын коомдук коопсуздугун жана жол кыймылынын коопсуздугун камсыздоо максатында күчөтүлгөн тартипте кызмат өтөмөкчү.

Бүгүн ЖКККББнын борбордук аппаратында саптык кароо өтүп, кызматкерлердин кийген формасынан тартып, кызмат учурундагы колдонулуучу каражаттары жана өздүк курамдын кызматка даярдыгы текшерилди.