Кыргызстанда респиратордук вирустук инфекциялары курч алды
Оорулардын алдын алуу жана мамлекеттик санитардык-эпидемиологиялык көзөмөл департаментинин маалыматы боюнча, өлкөдө курч респиратордук вирустук инфекциялардын (ЖРВИ) көрсөткүчү өсүүдө.
Учурдагы маалыматтар боюнча, 20-26-октябрь аралыгында өлкөдө ЖРВИнин 6699 учуру катталган, бул мурунку жумага салыштырмалуу 13,9%га көп. Бул учурлардын 64,6% 14 жашка чейинки балдар (4329 учур). Жуккандардын 6,7% (452 учур) ооруканага жаткырылган.
Оор учурлардын алдын алуу үчүн Саламаттыкты сактоо министрлиги сасык тумоого каршы вакцинанын 63 734 дозасын сатып алган. Вакцина азыр аймактарга таратылып, профилактикалык эмдөө башталды. Үй-бүлөлүк медицина борборлорунда эмдөөлөр, биринчи кезекте, жогорку тобокелдик тобундагы адамдарга: өнөкөт оорулары барларга, көп ооруган балдарга, кош бойлуу аялдарга, 65 жаштан ашкан адамдарга жана саламаттыкты сактоо кызматкерлерине акысыз жүргүзүлөт.
Төмөнкү жеке медициналык борборлордо да сасык тумоого каршы эмдөөлөр акы төлөнүүчү негизде жүргүзүлөт: MC «Цадмир», «Кроха», «Малыш», «Интермедициналык», «Комфортмедик» жана «Поликлиника 312». Эмдөөнүн баасы 400 сомдон 1000 сомго чейин.
