Министрлик Россиядан шарп ылаңына каршы 4,5 миллион доза вакцина сатып алат

Минкабдын маалымат кызматынан билдиргендей, 1 миллион доза вакцина жакын арада алып келинет.

Маалымдалгандай, айыл чарба министри Эрлист Акунбеков Владимир шаарына болгон иш сапарынын алкагында Жаныбарларды коргоо боюнча россиялык илим-изилдөө институту менен келишим түзгөн. Мал-жанды эмдөөгө 3,5 миллион доза вакцинаны күзгө чейин алып келүү пландалууда.

Иш сапардын жүрүшүндө кыргыз делегациясы институттун ишмердүүлүгү, илимий-өндүрүштүк базалары, вакциналарды жана ветеринардык препараттарды өндүрүү боюнча заманбап технологиялары менен таанышты.