Сезим Жуманазарованын жигити колун сурады

Кыргызстандык балбан кыз Сезим Жуманазаровага үйлөнүү сунушу түштү. Бул тууралуу ал социалдык тармактагы баракчасына жарыялады.

Сезимдин болочок жолдошунун аты — Илгиз. Комментарийлерде анын да спортчу экени жазылууда.

Үйлөнүү сунушу Бириккен Араб Эмираттарынын Дубай шаарында жасалган.

Сезим Жуманазарова — эркин күрөш боюнча Кыргызстандын улуттук курама командасынын мүчөсү. Ал жаштар арасындагы дүйнө чемпионатында, ошондой эле кадеттер жана жаштар арасындагы Азия чемпионаттарында байгелүү орундарга ээ болгон.