Окуялар
Чүйдүн Кызыл-Ой айылындагы мектептен өрт чыкты

Бүгүн, 2026-жылдын 19-ноябрында Чүй облусунун Жайыл районуна караштуу Кызыл-Ой айылындагы мектептен өрт чыккандыгы тууралуу кабар түштү. Бул тууралуу Өзгөчө кырдаалдар министрлигинин (ӨКМ) басма сөз кызматы билдирди.
Тилсиз жоону өчүрүүгө саат 08:48де Жайыл райондук №22 өрт-куткаруу бөлүмүнөн бир өрт өчүрүүчү бөлүм тартылган. Ошондой эле кошумча күч катары саат 08:55те Жумгал райондук №43 өрт-куткаруу бөлүмүнөн дагы бир бөлүм жөнөтүлгөн.
Жалпысынан өрттү өчүрүүгө эки өрт өчүрүүчү бөлүм тартылып, учурда окуянын чоо-жайы такталууда. Кошумча маалымат берилет.



