Коронавирус. Россияда 253 адамга жетти
Азыр ушул маалга карата Россияда коронавирус илдетине чалдыккандардын саны 253кө жетти. Өлкөнүн 9 аймагында 54 илдетке чалдыккан жаңы бейтаптар катталды, деп билдирди коронавирус инфекциясын алдын-алуу жана ага каршы ыкчам күрөшүү штабынан. Бул туурасында 20-мартта ТАСС маалымдады.
«Акыркы сутканын ичинде коронавирус илдетине чалдыккан 54 жаңы жаран Россиянын 9 аймагынан катталды. Россия Федерациясында азыркы учурда коронавирус инфекциясына чалдыккандардын жалпы саны 253кө жетти», — деп билдиришти штабда.
Коронавируска жаңы чалдыккан 33 киши Москвада катталган. Штабдын билдиргенине караганда борбордо тумоологондордун саны 131 бейтап болду.
Мындан сырткары Якутияда алты, Санкт-Петербург менен Самара областтарында төрттөн, Киров менен Новосибирск областтарында экиден, Москова, Ульяновск жана Тюмень областтарында бирден жаңы бейтаптар катталды. Айыккандар 12ге жетти.
Abal.kg
