Казакстан, Кыргызстан, Өзбекстан, Тажикстанда вирус жуккандардын саны 8600дөн ашты

Казакстан — 4834, Кыргызстан — 1002, Өзбекстан — 2336, Тажикстан – 522

Жогоруда аталган Борбордук Азия мамлекеттеринде жалпысынан: айыккандар 4100дөн ашты, каза тапкандар 67 киши. Бул цифралар аталган республикалардын саламаттык сактоо министрликтеринен алынган деп, 9-майда  INTERFAX.RU кабарлады.

Кайтыш болгондор: Казакстанда – 31, Кыргызстанда – 12, Өзбекстанда – 10, Тажикстанда – 14.

Тажикстандын саламатттык сактоо министрлиги коронавирус менен ооруй баштагандарды 30-апрелден тартып гана мойнуна алган. Азыр ушул учурда, Тажикстандын президенти Эмомали Рахмон өзү да вирус жуктуруп алып бейтаптап, Германиянын Рамштайын шаарында дарыланып жатат деген маалымат 5-майда тараган.

Борбордук Азияда бир гана Түркмөнстан расмий түрдө коронавирус жок экенин билдирип жатат. Бирок, илдетти алдын алуу үчүн бул мамлекетте да карантин жарыяланган, республикага сырттан кирүү чектелген.

Abal.kg