Жерди көздөй келе жаткан астероид 2-ноябрда планетабыз менен кагылышышы мүмкүнбү?

Диаметри 2 метрге чукул келген 2018 VP1 астероиди Жерге 2 — ноябрда жакын келет, деп билдирген NASA.

2018 -жылы баамга түшкөн астероид Аполлондун тобуна кирет. Күндү бир тегеренип чыкканы биздин 731 суткага барабар. Астероид күндөн 340 миллион километр максималдуу аралыкка чейин алыстайт да, кайра ага  135 миллион километрге чейин жакын келет.

2018 VP1 астероиди Жерге коркунуч туудура турган объект болуп саналбайт. Анын Жерге келип сайылышы 0,41%ке барабар.

Астероид Жерге жакындаганча, октябрдын аягында, биздин планетанын жашоочулары «көгүлтүр» Айды, Жерге жакын жайгашкан Тауриддер менен Урандын жылдыздары жааганын көрүшөт.